Россия чемпионатининг 17-тур ўйинлари давом этмоқда. Бошқирдистоннинг "Уфа" клуби Москвада "Торпедо" меҳмони бўлди.
Учрашувни бошланғич таркибда бошлаган Вагиз Галиулин, "Уфа"нинг биринчи голида ассистентлик вазифасини бажарди. Ҳамюртимиз чап қанотдан ҳаволатиб узатмани амалга оширди, Диего Карлос бош билан дарвозани ишғол қилди.
Орадан 2 дақиқа ўтиб меҳмонлар ҳимоячиси Максим Тишкин "сўнгги умид кушандаси"да айбланиб, майдондан четлатилди. Орадан 15 дақиқа ўтиб бир киши кам бўлиб ўйнаётган "Уфа" иккинчи голни уришга муваффақ бўлди.
Биринчи бўлим тугашига 5 дақиқа қолганида москваликлар ҳисобни биттага қисқартиришган бўлса, иккинчи бўлим ўрталарида "Торпедо" ҳисобни тенглаштирди — 2:2. Вагиз Галиулин ўйиннинг охирига қадар ҳаракат қилди.
Россия Премьер-лигаси
Торпедо – Уфа 2:2 (1:2)
Голлар: 0:1 – 20 Диего Карлос, 0:2 – 37 Тумасян, 1:2 – 40 Путило, 2:2 – 65 Мирзов.
Торпедо – Жевнов, Риков, Кокошка, Новосельцев, Комбаров, Мирзов, Стеклов, Путило, Билялетдинов, Шевченко (Угу Виейра, 56), Салугин.
Уфа – Юрченко, Аликин, Тишкин, Сухов, Тумасян, Семакин (Васильев, 54), Галиулин, Засеев, Пауревич, Диего Карлос (Сафрониди, 30), Ханджич (Килин, 78).
Огоҳлантиришлар: Новосельцев (57).
Четлатиш: Тишкин (22).
