Туркия қурилиш компаниялари 2018 йил футбол бўйича Жаҳон чемпионатини қабул қиладиган Россия учун бино ва керакли инфратузилмалар барпо этилишида қатнашиш бўйича таклиф билан чиққан. Бу ҳақда Туркия ташқи ишлар вазирлигининг ахборот хизмати “Interfax.ru” нашрига маълум қилган.
“Бизнинг қурилиш компанияларимиз Сочида 2014 йили ўтказилган Олимпиада ўйинлари учун ҳам асосий иншоотларни тез ва сифатли қилиб қуриб беришган эди. Энди улар 2018 йилги мундиал учун ҳам шундай ишлай олишлари мумкинлигини билдиришмоқда”, – дея фикр билдирган нашр журналистига интервью берган турк амалдори.
Қайд этиш жоизки, Сочидаги қурилишларда турк компаниялари 50 миллиард долларлик ҳажмдаги ишни бажаришган.
Эслатиб ўтамиз, Россиядаги жаҳон чемпионати 2018 йил 8 июнидан 8 июлигача бўлган муддат ичида бўлиб ўтади.
