5 декабрдан 7 декабрга қадар Минскда Таэквандо бўйича Жаҳон Кубоги бўлиб ўтди, дея хабар бермоқда "Kun", "Podrobno.uz"га асосланиб.
“Минск-Арена” велодроми биносида бўлиб ўтган ушбу мусобақанинг уч куни давомида 200 дан ортиқ медаллар тўплами ўйналди. Турнирда 17 давлатдан 7 ёшдан 39 ёшгача бўлган 1200 га яқин спортчи иштирок этди. Ушбу кўрсаткич бу даражадаги мусобақалар учун рекорд натижа бўлди.
Кубок мусобақаларида Беларусь, Қозоғистон, Қирғизистон, Латвия, Молдова, Россия, Тожикистон, Туркманистон, Ўзбекистон, Украина, Финляндия, Эстония, Англия, Норвегия ва бошқа давлатлар вакиллари қатнашдилар.
Ўзбекистон терма жамоаси 5 та олтин, 7 кумуш ва 11 бронза медалларини қўлга киритиб, умумжамоа ҳисобида тўртинчи ўринни эгаллади.
