Озарбайжоннинг "Қорабоғ" клуби сардори Рашад Садихов Европа лигаси гуруҳ босқичининг сўнгги турида "Интер"га қарши учрашувдан сўнг (0:0) фикрларини билдирди.
Озарбайжон клуби ўз майдонида "Интер"ни қабул қилиб голсиз дурангга эришди ва мусобақанинг плей-офф босқичига чиқа олмади. Шунингдек, қўшиб ерилган вақтда ҳакам озарайжонликларнинг голини оффсайд дея ҳисобламади.
"Ўйиндан сўнг бошимиз қотди. Ҳакам нима учун бундай қилди, тушунмадик. Голдан сўнг ҳамма хурсанд бўлаёган вақтда мен бош ҳакамни кузатдим, у 15 сонияча ёрдамчисидан сигнал кутди. Мен ундан буни бир неча марта сўрадим. Ёшимни ҳисобга олсам, мен энди фаолиятимда бунақасини бошқа кўрмасам керак. Нима дейишни ҳам билмаяпман.
Ғалаба учун ҳамма ишни бажардик. Агар ўша голўлмаганда ҳам бунчалик аламли бўлмас эди. Буни унутиш учун йиллар керак бўлади. Эҳтимол бундай имконият бизда бошқа бўлмас. Ҳатто "Интер" ўйинчиси ҳам гол тоза бўлганини айтди",- дейди Садихов.
