ОФК куни кеча Австралиянинг Сидней шаҳрида юз берган босқинчилик ҳаракати юзасидан ўз хавотирини билдирди. Сидней шаҳридаги кафелардан бирини террорчи ичидаги одамлари билан гаровга олди ва уларни 16 соат давомида ушлаб турди.
"Минглаб ОАВ ва мухлислар Австралияда ўтадиган Осиё кубогига ташриф буюришади. Улар ва иштирокчи 16та терма жамоа аъзоларининг хавфсизлигини таъминлаш бизнинг биринчи галдаги вазифамиздир. Биз маҳаллий ташкилий қўмитадан хавфсизлик чораларини кучайтаришни сўрадик. Расмий тадбирлар, ўйинлар, машғулотлар пайтида хавфсизлик масаласи кучайтирилиши лозим. Маҳаллий ташкилий қўмита Австралия ҳукумати билан бирга ОФКнинг талабини қондиришига ишончимиз комил. Мухлислар ва ОАВ вакилларини ишонтириб айта оламанки, ташкилий қўмита мусобақадаги хавфсизликни таъминлайди ва барчамиз Осиё кубоги тарихидаги энг яхши мусобақа тарихига айланамиз", - дейди ОФК бош котиби Дато Алекс Сусей.
