Марокашда бўлиб ўтаётган клублар ўртасидаги ЖЧда кеча 5-ўрин учун баҳс бўлиб ўтди. Африка чемпиони "Сетиф" ва ОЧЛ ғолиби "Вестерн Сидней" майдонга чиқишди.

Учрашув анча қизиқарли ўтди. Ўйиннинг 5-дақиқасида Кастелен ҳисобни очиб, австралияликларни олдинга олиб чиқди. Тунисликлар иккинчи бўлимни бутунлай бошқача бошлашди. Улар 50 ва 57-дақиқаларида иккита гол уриб, олдинга ўтиб олишди. Баҳс тугашига 1 дақиқа қолганида Саба ҳисобни тенглаштиришга муваффақ бўлди.

Регламентга кўра, қўшимча вақтлар белгиланмади ва дарҳол пенальтилар сериясига навбат берилди. "Лоторея" жараёни ҳам қизиқ кечди. Ҳар иккала жамоа дарвозабонлари мураккаб зарбаларни қайтариб, қаҳрамонлик кўрсатишди. Жамоалар саккизтадан зарбаларни амалга оширишга мажбур бўлишди. "Сетиф" дарвозабони 4та, "Вестерн" посбони 3та зарбани қайтарди. Натижада африкаликлар 5-ўринни банд этишди.

Клублар ўртасида ЖЧ. 5-ўрин учун баҳс
"ЕС СЕТИФ" (Тунис) - "ВЕСТЕРН СИДНЕЙ УОНДЕРЕРС" (Австралия) - 2:2. Пенальтилар бўйича - 5:4
Голлар: Мюллен (50-автогол), Абдулмалик Зиая (57) — Кастелен (5), Саба (89)