“Реал” сардори Икер Касильяс клублар ўртасидаги жаҳон чемпионати финал ўйинида “Сан-Лоренсо”га (2:0) қарши майдонга тушди. Бу ўйин у учун мадрид жамоасидаги 700-сига айланди. 33 ёшли дарвозабон клуб тарихидаги бу натижага эришган учинчи ўйинчига айланди.

"Бу йили Чемпионлар лигаси финали ва жаҳон чемпионатидан сўнг атиги бир ярим ой мен учун омадсиз кечди, – деб “СЭ” Inside Spanish Football нашрига таяниб Касильяс сўзларидан келтиради. – Ҳа, биз Суперкубокда “Атлетико”га ютказдик, аммо бугун бунинг ўрнини тўлдирдик.

Бу совринни қўлга киритганимдан хурсандман, ахир у менинг коллекциямда етишмаётган эди. Яна энг яхши бўлишни хоҳлайман. Кейлор Навас ва Фернандо Пачеко билан рақобат мени чиниқтирди. Энди “Реал” 2015 йилга эътиборини қаратиши ва уни ёдда қоладиган қилиб ўтказиши керак".