"Реал" бош мураббийи Карло Анчелотти қўл киритилган халқаро совринлар бўйича "Манчестер Юнайтед"нинг собиқ устози Алекс Фергюсон ҳамда "Бавария" бош мураббийи Хосеп Гвардиолага етиб олди. Ушбу мутахассисларнинг ҳар бирида саккизтадан халқаро миқёсдаги ғалабалар мавжуд бўлиб, бу - мураббийлар ичида рекорд натижадир.
Анчелотти ЕЧЛ ва УЕФА Суперкубогини уч мартадан, шунингдек, клублар ўртасидаги Жаҳон чемпионатида икки марта ғолиб бўлган. Алекс Фергюсон ҳисобида эса ЕЧЛ, УЕФА Суперкубоги ва Кубок эгалари кубогидаги иккитадан ғалабалар, шунингдек, клублар ўртасида жаҳон чемпионати ҳамда қитъалараро кубокнинг олтин медаллари бор. Яна бир рекордчи Хосеп Гвардиола бўлса УЕФА Суперкубоги ва клублар ўртасидаги жаҳон чемпионатининг учтадан, ЕЧЛнинг эса иккита бош совринига эга.