Туркиянинг “Сивашспор” футбол клуби бош мураббийи Роберто Карлос, томонларнинг ўзаро келишувига асосан, ўз лавозимини тарк этди. Туркиянинг “Sabah” газетаси хабарига кўра, бразилиялик мутахассис 2013 йилдан бери жамоага устозлик қилиб келаётган эди.

“Сивашспор”нинг қониқарсиз натижалари шартноманинг бекор қилинишига сабаб бўлди. Жамоа 14 учрашувдан сўнг 10 очко тўплагани ҳолда Туркия чемпионатида 18 жамоа орасида 17-ўринни эгаллаш турибди.

Маълумот учун, Роберто Карлос Бразилия терма жамоаси таркибида 2002 йили жаҳон чемпионлигини қўлга киритган. Фаолият давомида Бразилиянинг “Унион Сан-Жуан” (1991-1993), “Палмейрас” (1993-1995) ва “Коринтианс” (2010-2011), Италиянинг “Интер” (1995-1996), Испаниянинг “Реал” (1996-2007) ва Туркиянинг “Фенербахче” (2007-2010) жамоаларида тўп сурган, футболчилик фаолиятига Россиянинг “Анжи” жамоасида (2011-2012) якун ясаган.