Мадриднинг "Реал" клуби дарвозабони Икер Касильяс "Сан-Лоренсо" устидан қозонилган ғалабадан сўнг "Бавария" устози Хосеп Гвардиолага жавоб қайтаришдан ўзини тийиб туролмади. Ушбу мутахассис "Реал"нинг асосий устунлиги, таркибдаги футболчиларнинг атлетлар экани ва қарши ҳужумларда катта тезлик кўрсатган ҳолда хавфли ўйин намойиш этишига асосланган вертикал ўйинда, деб таъкидлаганди.

Ўтган мавсум ушбу икки жамоа ЕЧЛ яримфиналида баҳс олиб боришган ва иккала учрашув ҳам мадридликлар ғалабаси билан якун топганди.

"Бу қойилмақом мавсумнинг атлетлар гуруҳи учун сўнгги соврини бўлиб тарихга кирмоқда. "Реал" таркибида 700-ўйинимда майдонга тушганимдан хурсандман. Мухлисларимизга клублар ўртасида жаҳон чемпионлигини Рождество байрами туҳфаси сифатида тақдим эта олишимиздан кўнглим жойига тушди", - деб ёзди Касильяс ўз Фейсбук саҳифасида.