Осиё Кубогига тайёргарлик кўраётган Ўзбекистон миллий терма жамоаси 25 ва 28 декабрь кунлари БААнинг Шаржа шаҳрида Ироқ терма жамоасига қарши ўртоқлик учрашувини ўтказишидан хабарингиз бор.

Мазкур ўйинлар ҳар иккала терма жамоа учун ҳам Осиё Кубогига тайёргрлик вазифасини ўтаб беради. Миржалол Қосимов жамоаси бунгача сўнгги ўйинини 21 декабрь куни Иорданияга қарши ўтказиб 2:1 ҳисобида ғалаба қозонган бўлса, Ироқ терма жамоаси 22 декабрь куни Кувайт билан ўртоқлик ўйинида 1:1 ҳисобида дуранг ўйнаган.

25 деабрь куни бўлиб ўтадиган учрашув Ўзбекистон ва Ироқ терма жамоалари учун ўзаро 6-учрашуви бўлади. Бунгача терма жамоалар ўзаро 5 маротаба майдонга тушишган ва ҳозирча устунлик Ўзбекистон терма жамоаси фойдасига: 3та ғалаба, 1 дуранг ва 1 мағлубият. Тўплар нисбати ҳам Ўзбекистон фойдасига - 6:4.

Осиё Кубоги баҳсларидаги иштироки ва натижалари борасида эса Ироқ терма жамоасининг натижалари анча яхшироқ. Ироқ Осиё Кубоги финал босқичларида бунгача 7 маротаба иштирок этишган ва 2007 йилги мусобақада Осиё чемпиони бўлган. Ўзбекистон миллий терма жамоаси учун эса, Австралиядаги баҳслар ҳисоб бўйича бешинчиси бўлади. Осиё Кубоги баҳсларидаги энг юқори натижа эса, 2011 йили Қатар майдонларида ўтказилган Осиё Кубогида қайд этилган - тўртинчи ўрин.

Ўртоқлик учрашуви.
25 декабрь. Шаржа, БАА
"Ал Шааб" стадиони.
Ўзбекистон - Иордания