УEФА матбуот-хизмати бошлиғи Педро Пинто Клублараро мундиалда "Реал Мадрид" футболчиси Криштиану Роналдунинг УEФА президенти Мишель Платинига қўл узатмагани улар орасидаги низодан дарак бермаслигини айтиб ўтди:
“Ҳеч қандай келишмовчилик йўқ. Роналду тақдирлашдан олдин Платини билан сўрашди. У медаль учун келганида, Платини Анчелотти билан суҳбатлашаётган эди, Роналду эса уларнинг яқинидан ўтиб кетди. Ўз томонимдан шуни кафолатлайманки, бу ерда қарама-қараши омиллар йўқ. Мен Платини билан гаплашдим, у менга одамларни уни Роналдуни ёқтирмайди, деб ўйлашларидан хафа бўлганлигини айтди”.
