"Манчестер Юнайтед" яримҳимоячиси Анхель ди Мария яна жароҳат олди. 26 ёшли аргентиналик футболчи жамоанинг охирги машғулотида жароҳатланди, жароҳат даражаси хабар қилинмаган.
Эслатиб ўтамиз, Ди Мария 29 ноябрь куни Англия чемпионатининг 13-турида "Халл Сити"га қарши учрашувда жароҳат олиб, уч ҳафта даволанган эди. Футболчи "Астон Вилла"га қарши учрашувнинг 61-дақиқасида майдонга қайтган эди.
Ди Мария ушбу мавсум премьер-лигада 12 учрашув ўтказди ва 3 гол уриб, 6 голли узатма оширди.