“Машъал” навбатдаги йиғинни 5 январь куни Тошкентда тиббий кўрикдан ўтиш билан бошлайди.

4 январь куни жамоа “Ўзбекистон” меҳмонхонасида йиғилади. Тайёргарликни қолган қисми Янгиерда давом этади. 18 январгача давом этадиган йиғинга бир неча легионерлар таклиф этилган. Жамоага ташриф буюрадиган барча легионерлар кўрикда бўлади.

Аввалги хабарларимизда жамоанинг иккинчи йиғинига “Локомотив” ва “Нефтчи” клубларида ҳаракат қилган Александр Оника ҳам келишини маълум қилган эдик. Ана шундай легионерлардан яна бири молдовалик футболчи Игорь Костровдир.

Ушбу ярим ҳимоячи Молдова ва Португалия лигаларида ҳаракат қилган. 2008 йил катта футболда фаолиятини бошлаган 26 ёшлар футболчи бу вақт оралиғида 2008-2009 йилларда “Тигхина” (Молдова), 2010-2011 “Искра-Стал” (Молдова), 2010-2012 “Тираспол” (Молдова), 2012-2013 “Даcиа” (Молдова), 2013 “Славиа” (Португалия), 2013-2014 “Костунели” (Молдова), 2014 “Верис” (Молдова) клубларида ҳаракат қилган.

Ўтган ойда Молдова лигасидан “Верис”нинг четлаштирилиши оқибатида пешқадам жамоа тарқаб кетди. Ушбу футболчи 5 январь куни Тошкентга етиб келади.