Англия премьер лигасининг иккинчи дивизиони, яъни чемпионшипда қатнашаётган “Уиган” жамоаси президенти Дейв Уилан Янги йил арафасида Англия Футбол уюшмасидан ўзига хос “совға” олди. Унга бугун ноябрь ойида ўз нутқида ирқчилик характеридаги ибораларни ишлатгани учун 6 ҳафталик дисквалификация белгиланди. Бу ҳақида Англия Футбол уюшмаси расмий сайтига асосланиб, “ТАСС” хабар бермоқда.
“Уиган” хўжайини энди 6 ҳафта давомида футбол фаолияти билан шуғуллана олмаслигидан ташқари, 50 минг фунт жарима ҳам тўлайди.
Гап шундаки, 78 ёшли Дейв Уилан 2014 йилнинг ноябрь ойида ўз жамоасига янги бош мураббий этиб, Малки Маккейни тайинлаганди. Бу мураббий эса, муқаддам бир неча марта расистлик ва ёмон хулқлиликда айбланган эди. Инглиз матбуоти “Уиган”ни бу қарори учун танқид қилавергач, жамоа президенти “The Guardian” журналисти билан суҳбат чоғида, ўзининг янги ҳамкорини ҳимоя қилишга асносида, “яҳудийлар ростдан ҳам пулни бошқа миллат вакилларига қараганда кўпроқ ёқтиришади, хитойликни “chinks” дейишнинг ҳам ёмон жойи йўқ” деб, миллатчиликка йўл қўйган эди.
Кейинчалик у бу гаплари учун узр сўраган бўлсада, тегишли интизомий жазодан қочиб қутила олмади.
