«Манчестер Юнайтед» бош мураббийи Луи ван Гал «Сток Сити»га қарши бўлиб ўйин (1:1) борасида ўз фикрларини билдириб ўтди.

«Биз бу ўйинда кўп нарсага муносиб эмасдик. Рақиб ғалаба тўпини уришга яқин келди. «Сток Сити»нинг ҳаво бўйлаб узатмаларига қарши ҳимояланиш қийин бўлганини барча кўрди. Вазиятларни яратиш учун бизда кенглик ва вақт бор эди, аммо голли вазиятларни кўп юзага келтира олмадик.

«Сток Сити» футболчилари кучли шамолга қарши ўйнашларига тўғри келди. Рақиб узун паслардан фойдаланишга ҳаракат қилди ва жуда оддий ўйнади. Шамол бизга халал бермади, биз яхшироқ ўйнашимиз керак эди.

Стандарт вазиятларда ҳимоя устида ишлашимиз кераклигини биламиз. Ушбу масала бўйича футболчилар билан 2та учрашув ўтказдик. Гол ўтказиб юборилган вазиятда ёмон ҳаракат қилдик. Яхшиямки, ҳисобни тенглаштиришга муваффақ бўлдик.

Биз сафар ўйинларида яхши ўйнашимиз керак. Мен учун сафар ва уй ўйинларининг фарқи йўқ. Мухлисларимиз бизни ҳамма жойда яхши қўллаб-қувватлашади. Биз ўсишда давом этишимиз керак», – дейди ван Гал.