Миржалол Қосимов бош мураббийлигидаги Ўзбекистон миллий терма жамоаси бугун Сидней шаҳрида Малайзиянинг «Жохор Дарул Таъзим» клубига қарши ўртоқлик ўйинини ўтказади.
Мазкур учрашув Миржалол Қосимов жамоаси учун Осиё Кубоги баҳсларидан олдинги сўнгги ўртоқлик учрашуви бўлади. Ўйин Сидней шаҳридаги «Маркони» стадионида бўлиб ўтади. Ўйин маҳаллий вақт билан соат 18:00 (Тошкент вақти билан соат 12:00)да бошланади. Маълумот ўрнида, «Дарул Таъзим» клуби якунига етган Малайзия чемпионати ғолиби ҳисобланади.
Эслатиб ўтамиз, Ўзбекистон миллий терма жамоаси 3 январь куни Австралиянинг Сидней шаҳрига етиб борган ва айни дамда КХДРга қарши Осиё Кубоги 1-тур ўйинига тайёргарликни бошлаб юборган.
Ўртоқлик учрашуви.
6 январь. Сидней. Австралия.
Ўзбекистон - «Дарул Таъзим»
