Қрим терма жамоаси тан олинмаган терма жамоалар ўртасидаги Европа чемпионатига бора олмайди, дея хабар беради weakteams.ws.

Ёзда фаслида Мэн оролида бўлиб ўтадиган ушбу мусобақа ташкилотчилари 11 терма жамоани таклиф қилдилар. 12-қатнашчи овоз бериш орқали аниқланди. Қрим ва Монако Италиянинг 8та шимолий туманини бирлаштирадиган Падания термасига йўлланмани бой бердилар.

Эслатиб ўтамиз, ушбу мусобақада собиқ СССР таркибида бўлган учта терма жамоа қатнашмоқда - Абхазия, Жанубий Осетия ва Тоғли Қорабоғ.

Тан олинмаган терма жамоалар ўртасида Европа чемпионати қатнашчилари рўйхати шундай кўриниш олган: Абхазия, Жанубий Осетия, Тоғли Қорабоғ, Мэн ороли, Окситания, Лапландия, Ницца графлиги, Шимолий Кипр, Лўлилар термаси, Венгр-секейлар термаси, Франкония ва Падания.

Эслатиб ўтамиз, ўтган йили Швециянинг Эстерсунде шаҳрида тан олинмаган терма жамоалар ўртасида жаҳон чемпионати бўлиб ўтган ва финалда Ницца термаси Мэн термасини мағлуб этган эди (0:0, пенальтилар бўйича - 5:4).