"Реал" бош мураббийи Карло Анчелотти Ла лиганинг 18-турида "Эспаньол"га қарши учрашув олдидан фикрларини билдирди.

"Атлетико"га қарши ўйин олдидан Роналдо чарчоқ ҳолатида эди ва мен унга дам беришни афзал билдим. Ҳозир унинг аҳволи яхши ва ўйинга тайёр. Биз ҳеч қачон Криштианунинг тиззаси ҳақида гаплашмадик, унинг тиззалари соппа-соғ.

Серхио Рамос эса дам олади, у клублар ўртасида жаҳон чемпионатида жароҳат олган эди, шунинг учун таваккал қилмаймиз.

Жамоа янги ғалабаларни сабрсизлик билан кутмоқда. Жамоага нима бўлаётганига аниқлик киритишимиз керак. Жиддий сабаб кўрмаяпман, аммо бу сафар омадсизлик сериясига барҳам бермоқчимиз. Бу мени кўпроқ ташвишлантирмоқда. Руҳий томонлама оптимал ҳолатда эмасдирмиз, аммо жисмоний ҳолатимиз жойида. Бу ҳамма жамоанинг бошида бор. "Барселона" билан нима бўлганини кўрдик, бу энди биз билан содир бўлмоқда. Сентябрь ойида ҳозиргидан кўра кўпроқ иккиланган эдик. Энди биз қаторасига 22 марта ғалаба қила олишимиз мумкинлигини биламиз", - дейди Анчелотти.

"Реал" - "Эспаньол" учрашуви 10 январь куни, Тошкент вақти билан 20:00да бошланади.