Футбол бўйича Осиё Кубогига иккинчи марта бориш насиб этди. Биринчини яхши эслайман, ўшанда 2007 йилнинг ёзи эди. Унда терма жамоа матбуот котиби сифатида иштирок этгандим. Бу сафар эса турнирга оддий ишқибоз сифатида келдим.
Австралияда футбол томоша қилишдан бошқа қилинадиган ишлар кўп ва буни олдиндан билардим. Самолётдалигимда эса, видеокундалик қилиш фикри калламга келди-ю, шу хаёл тинчлик бермади. Камига видеокундаликни қандай қила олишим мумкинлиги ҳам кўз олдимдан ўтаверди.
Самолётнинг ўзида ишни бошлаб юбордим. Мельбурнда тугатдим. Менимча, ўйлаганимдек яхши чиқмади. Лекин, қилишим керак бўлган нарсани қилганлигимдан хурсанд бўлдим.
9 январь куни Австралия ва Қувайт ўртасидаги Осиё Кубогининг очилиш учрашувига таклифнома олдим. Бордим. Борганимни эса видеога ёздим. Монтаж қилдим.
Санжар Ризаев, ЎФФ матбуот хизмати бошлиғи
