“Андижон” жамоасининг иккинчи йиғини айни пайтда қизғин давом этмоқда. Бугун ҳам Шўрбулоқдаги сунъий қопламали майдонда футболчилар икки маҳал шуғулланишди.

Бугун “Андижон” сафида яна битта янги ўйинчи пайдо бўлди. Ҳужумчи Олег Дражук бугундан машғулотларга қўшилди. Бу футболчи кўрикдан ўтказиш мақсадида таклиф этилди. Кеча таркибга Ярослав Крушельницкий билан Толиб Очилов ҳам қўшилишганди. Ёдингизда бўлса, ўтган йили ҳам қишда Дражук “Андижон” йиғинида қатнашганди. Лекин ўшанда у жамоада қолмаганди. Шуни айтиб ўтиш керакки, бугунги машғулотларда дарвозабон Фарруҳ Турдиалиев иштирок этмади.