“Барселона” президенти Жозеп Бартомеу Луис Энрикенинг ўрнига янги мураббий излаётгани ҳақида хабарлар тарқалган эди.
Навбатдаги хабарларга кўра, клуб раҳбарияти Лионель Мессининг талабига кўра, Франк Райкард билан шу масалада музокара ўтказган. Франк Райкард ўз вақтида “Барселона” билан Чемпионлар лигасида ғалаба қозонган. Аммо голландиялик мутахассис бу таклифга жавобан, келажаги номаълум бўлган ишга қўл урмаслигини айтиб ўтди. У ҳам қисқа вақтдан кейин истеъфога чиқарилиши мумкинлигидан хавотир олган.
Эндиликда каталонияликлар, “Бавария”нинг собиқ бош мураббийи Юпп Хайнкесга юзланишган. Клуб вакиллари бу борада Хайнкес билан дастлабки музокараларни ўтказишди.
