"Навбаҳор" чизиқларни кучайтириш ва таркибдаги рақобатни кучайтириш мақсадида бир қатор футболчилар билан музокаралар давом эттиряпти.
Жамоага маҳоратли ҳужумчини жалб этиш ниятида сербиялик футболчи Александар Лепосавич билан музокараларга киришилганди. 1987 йилнинг 3 ноябрида Сербиянинг Иваница шаҳрида туғилган Лепосавич “Навбаҳор”нинг 19 январда Тошкентда бошланадиган йиғинида иштирок этади.
Ҳужумчи фаолиятининг Иваницанинг “Явор” клубида бошлаганлигини айтиб ўтиш жоиз. 2014 йилги мавсум биринчи ярмида Сербиянинг “Единство” клубида тўп сурган ҳужумчи мавсум иккинчи қисмини Черногориянинг “Петровач” клубида ўтказди. Бундан ташқари Лепосавич “Сумадия”, “Слога Петровач” ва “Слога Позега” жамоалари сафида тўп сурган. Александар Сербия ва Черногория чемпионатларида 124 та ўйинда майдонга тушиб, рақиблар дарвозасига 21 та гол урган.
Агарда хорижлик ҳужумчи Тошкентда ўтадиган йиғин давомида ўзидан яхши таассурот қолдирса, навбатдаги мавсумни “Навбаҳор”да ўтказиш имкониятига эга бўлади. Лепосавич иштирок этган ўйинлар ва урган голларни қуйидаги видеолавҳада томоша қилишингиз мумкин.
