"Рома" бош мураббийи Руди Гарсия "Олтин тўп"ни Мануэль Нойер қўлга киритишини кутганлигини тан олди ва бу соврин ўз ўйинчиси Франческо Тоттида йўқлиги борасида фикр билдирди.
"Нойерга овоз берган бўлсамда, Криштиану Роналду — 2014 йилнинг энг яхши ўйинчиси, соврин энг кучли футболчига берилиши керак эди.
Тоттига келсак, бизнинг сардоримиз ақлбовар қилмас формада. У бини "Лацио"га қарши учрашувда ҳам исботлади. 38 ёшда эканлигига қарамай, у бизнинг жамоада ўйнаётганидан хурсандман. Мен мураббий сифатида ҳар куни бундай даҳо билан бирга эканлигимдан мамнунман.
"Олтин тўп"? Роналдуга бу борада унинг чемпионлар лигасида ғолиб чиани ёрдам берди. 2006 йилда жаҳон чемпиони бўлган Тотти ҳам бу совринни қўлга киритиши мумкин эди. Аммо асосийси бу эмас, унинг майдонда қандай хоҳиш ва иштиёқ билан тўп суришида", - дейди Гарсия.