Осиё кубоги-2015 мусобақаси "А" гуруҳида иккинчи тур ўйинларида чорак финали масаласи ҳал қилинди. Мусобақа мезбонлари Уммон терма жамоасини мағлуб этиб, Жанубий Корея сингари икки учрашувда 6 очкога эга бўлди ва чорак финал йўлланмасини нақд қилдилар. Энди сўнгги турда "соккероузлар" ва "осиё йўлбарслари" ўзаро учрашувда гуруҳ пешқадамини аниқлайдилар.

Ўйин бошидаёқ мезбонлар устунликни қўлга олиб, уммонликлар қарши ҳужумда ўйнашлари маълум бўла бошлади. Уммон терма жамоаси буни биринчи голгача яхши уддалаётган эдилар. 27- дақиқада Маккей ҳисобни очди.

30-дақиқада Круз ҳисобдаги фаррқни иккитага оширди ва шундан сўнг бугун йирик ҳисоб қайд этилиши мумкинлиги тахмин қилина бошлади. Бўлим сўнгида Миилиганнинг пенальтидан киритган тўпидан сўнг ҳисоб йирик кўринишга келди ва ўйин тақдири деярли ҳал қилинди.

Иккинчи бўлимда захирадан тушган Юрич ҳам ўз ҳисобига битта гол ёзиб қўйди.

Австралия – Уммон 4:0 (3:0)
Голлар: 1:0 – 27 Маккэй, 2:0 – 30 Круз, 3:0 – 45, пенальти Миллиган, 4:0 - 70 Юрич.
Австралия – Райан, Сэйнсбери, Шпиранович, Дэвидсон, Миллиган, Маккэй, Кэйхилл (Юрич, 51), Луонго (Брешиано, 51), Круз, Франьич, Лекки.
Уммон – Ал-Ҳабсий, Ал-Муҳайний, Ал-Овайсий, Ал-Мусаламий, Ал-Форсий, Ал-Бусаидий (Ал-Шатрий, 46), Ал-Махайжрий, Ал-Муҳайний, Ал-Халдий, Ал-Ҳусний (Ал-Жабрий, 46), Ал-Мубалий.
Огоҳлантиришлар: Ал-Махайжрий (36), Ал-Муҳайний (45), Шпиранович (73)