Ўзбекистон футбол федерацияси раҳбари Брисбен шаҳрида ўзбекистонлик журналистлар билан учрашди. Айтиш жоизки, Мираброр Зуфаровичга Сардор Раҳматуллаев, Фарҳод Магометов, Асқар Толибжонов ва Санжар Ризаев ҳамроҳлик қилишди. Суҳбат самимий руҳда ўтди.
ЎФФ президенти Австралия давлатига қийинчиликларга қарамасдан футбол ўйинларини ёритиш учун келган ўзбекистонлик журналистларга миннатдорчилик билдирди.
"Хабарингиз бор, бугунга келиб барча терма жамоаларимиз — ўсмирлардан тортиб аёлларимизгача Осёда ўз мавқеига эга бўлишди. Ютуқларимиз кўплиги билан бир қаторда қилинажак ишларимиз ҳам етарлича. Сизларнинг самимий ишларингизни юксак қадрлайман. Умид қиламанки, бундан кейинги мусобақаларни ёртишда журналистлар билан яқин ҳамкорлик беъэтибор қолмайди", — деди Усмонов журналистларга учрашув чоғида.
Шу ўринда айтиш жоизки, шу куни терма жамоамиз вакилларига, шунингдек, ЎФФ ва ПФЛ раҳбариятига газетамиз - "ИнтерФУТБОЛ"нинг бугунги сони тақдим этилди.
