Футбол бўйича Ўзбекистон миллий терма жамоаси Австралияда давом этаётган Осиё Кубоги-2015да 14 январь куни Хитой терма жамоасига қарши майдонга тушиб, 1:2 ҳисобида имкониятни бой берди.

Uzfootball.uz’нинг маълум қилишича, саралаш босқичи доирасидаги ўйинларни ҳам қўшиб ҳисоблаганда, Хитойга қарши ўйин Ўзбекистон миллий терма жамоаси учун Осиё Кубогидаги 50-ўйин бўлган.

Ўзбекистон миллий терма жамоаси ушбу учрашувларнинг 28тасида ғалаба қозонган, 8тасида дуранг ўйнаган, 14та ўйинда мағлуб бўлиб, жами 97та гол уриб, 64та гол ўтказиб юборган.

Uzfootball.uz’нинг қўшимча қилишича, Хитойга қарши ўйинда захирадан майдонга тушган Ислом Тўхтахўжаев миллий термадаги 40-, ўйин бошидан асосий таркибда ҳаракат қилган ҳимоячи Акмал Шораҳмедов эса 20-ўйинини ўтказган.