Эрон миллий терма жамоаси Осиё кубогида чорак финал йўлланмасини муддатидан олдин ҳал қилган бешинчи терма жамоага айланди.
Карлос Кейруш шогирдлари иккинчи турда Қатар терма жамоасини минимал ҳисобда мағлуб этишди. Ўйиндаги ягона голни иккинчи бўлим бошида 19 ёшли Сардор Азмун Қосим Бурҳон дарвозасига йўллади.
Ушбу ғалабадан кейин форслар ҳисобдаги очколар сони 6тага етди. "С" гуруҳидан БАА ва Эрон термалари плей-офф тақдирини ҳал қилиб бўлишди. Ушбу жамоалар 3-турда ўзаро ўйинда гуруҳ ғолиблигини ҳал қилиш орқали, чорак финалда Япониядан қутулиб қолишга ҳаракат қилишади.
Демак, чорак финалга чиққан жамоалар сони 5тага етди. Улар — Австралия, Жанубий Корея, Хитой, БАА ва Эрон
Осиё кубоги-2015. "С" гуруҳи, 2-тур
ҚАТАР - ЭРОН - 0:1
Гол: Сардор Азмун (52)
Қатар: Бурҳон, Абдулкарим, Мухтор, Ал-Ҳайдос, Мажид, Буалим, Исмоил Матар, Тресор, Мунтарий, Будиаф, Ас-Сайид.
Эрон: Ҳақиқий, Ғофурий, Ҳуссайний, Пуралиганжи, Пўлодий, Некунам, Теймурян, Ҳожисафий, Дежага, Шожаий, Азмун
Ҳакамлар: Равшан Эрматов (Ўзбекистон), Абдуҳамидулло Расулов (Ўзбекистон), Баҳодир Қўчқоров (Қирғизистон)
