"Барселона" устози Луис Энрике жамоа ҳужумчиси Мунир Ал Ҳаддодийга ўйин амалиёти кераклигини маълум қилди.

Иқтидорли ёш ҳужумчи жамоадаги кучли рақобат туфайли асосий таркибдан жой олмаяпти.

"Биз Эл Ҳаддодийнинг иккинчи жамоа сафида доим ўйнашига шароит яратдик. Уни ҳар ҳафта кузатяпмиз. У мавсум бошида ўзига берилган имкониятда фойдалана олган ёш футболчи. Ҳозир эса унга вақт етмаяпти, бу унга тўсқинлик қиляпти. У ўсиши учун кўпроқ ўйин амалиёти керак. У ажойиб футболчи, келажакда жамоага катта ёрдами тегиши мумкин", - дейди Энрике.

Эл Ҳаддодий бу мавсум Испания чемпионатининг 10та учрашувида майдонга тушди ва бир гол муаллифи бўлди. Асосий таркибда етти марта майдонга тушган.