"Наполи" ҳужумчиси Гонсало Игуаин клубни тарк этмоқчи эмас. Футболининг акаси ва агенти Николас Игуаин унинг "Ливерпуль"га ўтиши мумкинлиги ҳақидаги хабарларни инкор қилди.
"Мен бошқа клублар билан алоқага чиқмадим, ҳеч ким менга боғланмади. Ҳар қандай музокара "Наполи"га нисбатан ҳурматсизлик бўлар эди. "Наполи" президенти Аурелио Де Лаурентис – ажойиб инсон ва мен унга нисбатан бундай ножўя ҳаракат қилмаган бўлар эдим. Гонсало хотиржам ва унинг "Наполи" билан шартномаси бор", - дейди Николас.