Роналдунинг Ирина Шейк билан муносабати бутунлай узилишига Криштиану онаси Долорес Авейро сабабчи бўлган.

"correio da Manha" нашрининг хабар тарқатишича, сўнгги ойларда россиялик супермодель Роналдунинг онаси ва унинг сингилларини ётирмаслигини очиқчасига ёмон кўришини намоён қила бошлаган. Янги йил арафасида "Реал" ҳужумчиси онасига "сюрприз" тайёрлаш мақсадида онасининг Мадейра оролида ташкил этилган юбилейига боришни режалаштирган. Ирина эса у ёққа боришни истамаган. Натижада футболчи янги йилни фақат ўғли Криштианиньо билан кутиб олишига тўғри келди.

Роналду оиласига яқин манбага кўра, Долорес Авейро Шейкни ўз ўғлига номуносиб хотин, ўз неварасига номуносиб она деб ҳисоблаб келган.