Саудия Арабистони миллий терма жамоаси бош мураббийи Космин Олариу Ўзбекистонга қарши ўйинда ишонч билан ўйнаш кераклигини таъкидлаб ўтди.

Эслатиб ўтамиз, Осиё кубогининг "В" гуруҳида Хитой 6 очко билан чорак финал йўлланмасини ҳал қилган бўлса, Саудия ва Ўзбекистон ҳисобида 3 очкодан бор.

"Агар ўзимизга нисбатан ишонч бўлмаса, бу ерда нима қиляпмиз? Бу бошқача ўйин услубига эга бўлган жамоага қарши бошқача ўйин бўлади. Барча эътиборимизни Ўзбекистонга қарши ўйинга қаратганмиз. Ўзбекистон гуруҳ ўйинларини Сидней, Брисбенда ўтказиб, Мельбурнга етиб келгани боис футболчиларда бироз чарчоқ бўлиши мумкин. Биз бундан фойдаланишга ҳаракат қиламиз", - дейди руминиялик мутахассис.