Хабарингиз бор, учрашувдан бир кун олдин одатга кўра жамоалар ўйинолди расмий машғулотни ўтказишади. Ҳар доимгидек, "Мельбурн" стадионидаги машғулотларнинг дастлабки 15 дақиқаси оммавий ахборот воситалари учун очиқ бўлди. Олдинроқ ёзганимиздек, маҳаллий вақт билан соат 18:00да Миржалол Қосимов шогирдлари машғулотни бошлашди. Машғулот бошида бош мураббий ўзига хос кичик йиғилиш ўтказиб олди.

Ислом Тўхтахўжаев ҳамон микрожароҳат туфайли алоҳида тарзда шуғулланди. Қолган футболчилар эса икки жамоага бўлинган ҳолда асосий машғулотга киришишди.

Демак, бугун қуйидаги футболчилар иштирок этишди.
"Қизиллар": Егор Кримец, Анзур Исмоилов, Сервер Жепаров, Азиз Ҳайдаров, Жамшид Искандеров, Санжар Турсунов, Шуҳрат Муҳаммадиев, Фаррух Сайфиев, Баҳодир Насимов, Одил Аҳмедов.
"Яшиллар": Виталий Денисов, Акмал Шораҳмедов, Тимур Кападзе, Шавкат Муллажонов, Воҳид Шодиев, Игорь Сергеев, Жасур Ҳасанов, Сардор Рашидов, Лутфулла Тўраев, Одил Аҳмедов

Эслатиб ўтамиз, эртага маҳаллий вақт билан соат 20:00да Ўзбекистон ва Саудия Арабистони терма жамоалари ўртасидаги ўйин старт олади. (Тошкентда 14:00 бўлади).

Терма жамоамиз оқ рангли формада ўйнаса, саудияликлар яшил рангли майкада майдонга тушишадиган бўлишди.

А.Абдуҳамитов, Мельбурн шаҳридан