Тошкентнинг “Бунёдкор” жамоаси БААда ўтган йиғинни якунлаб, Тошкентга қайтиб келди.

“Қалдирғочлар” БААда 5-17 январь кунлари машғулотлар олиб боришди. Сергей Лушан шогирдлари ушбу йиғин доирасида жами 4та назорат учрашувида иштирок этишди. Илк учрашув Нидерландиянинг “Фейеноорд” клубига қарши ўтиб, унда 1:1 ҳисоби қайд этилди. Иккинчи учрашувда эса “Бунёдкор” маҳаллий “Ал-Шабаб” клубини 5:0 ҳисобида тор-мор этди. Учинчи учрашувда Эроннинг донгдор клуби “Пирузи”га имконият бой берилди – 1:3. Ва ниҳоят “қалдирғочлар” Тошкентга қайтиш арафасида Саудия Арабистонининг “Ал-Иттиҳод” жамоасига 1:0 ҳисобида мағлуб бўлдилар.

Энди машғулотлар 25 январга қадар пойтахтимиз Тошкентда олиб борилади. 26 январдан йиғин Туркияга кўчади.