"Челси" бош мураббийи Жозе Моуриньо жамоа яримҳимоячиси Муҳаммад Салаҳ қишки трансферлар чоғида клубни тарк этмаслигини маълум қилди.

Аввалроқ 22 ёшли мисрлик футболчига "Рома" ва "Интер" қизиқаётганлиши хабар қилинган эди.

Салаҳ жамоанинг асосий таркиби ўйинчиси ҳисобланмайди ва бу мавсум уч марта захирадан майдонга тушди, холос. Унинг умумий майдонда ўтказган вақти 30 дақиқани ташкил қилади.

"У кета олмайди. Менда 20 ўйинчи бор, холос. Аспиликуэта ва Дидьенинг тоби йўқлигини ҳисобга олсак, бугун ёш Акедан бошқа ҳамма футболчиларим захира ўриндиғида ўтирдилар.

Ҳозир менда чегараланган таркиб бор ва менга ҳар бир футболчи керак. Салаҳ кетса, кимнидир сотиб олишимизга тўғри келади.

Уни ижарага бериб юбориб, 50 миллион еврога бошқа футболчи сотиб олмасак керак", - дейди Моуриньо.