"Милан" бош мураббийи Филиппо Индзаги клуб қишки трансферлар бозорида ўз ишини якунламаганини маълум қилди.
Миланликлар испаниялик Сусони қўшиб олган эди. 21 ёшли футболчи 2012 йилда "Ливерпуль"га ўтган эди, аммо шартномасини узайтиришни истамади ва А серияга йўл олишни маъқул кўрди.
"Сусонинг клубимизга қўшилганида хурсандман, бу мавсум сўнгида эмас, айнан ҳозир амалга ошгани яхши бўлди. Бу унинг тезроқ мослашишига ёрдам беради. Сусонинг ёрдами тегади. Мен уни қанот яримҳимоясида синаб кўрмоқчиман.
"Милан" трансфер бозорида ишини тугатмади. Бизга яна бир қанот ҳимоячиси керак. Агар бу содир бўлмаса, қўрқинчли жойи йўқ. Биз аввал Абате ва Де Шильонинг жароҳатларига қарамай бир амаллаганмиз", - дейди Индзаги.
