Ўзбекистон терма жамоаси сардори Сервер Жепаров ОФК расмий сайтига интервью бериб ўтди.
"Тарих яратиш вақти келди. Ўзбекистон миллий терма жамоаси деярли барча мусобақаларда иштирок этиб келади, аммо шунча йиллар давомида ҳали ҳеч қандай совринни қўлга киритмаганмиз. Осиё кубогида ғолиб чиқиш биз учун муҳим аҳамиятга эга. Боиси, бу ўзбек футболининг ривожига ҳисса қўшади. Буни амалга ошириш вақти келди. Юз фоиз деб айта олмайман, аммо биз ўзимизга ишонамиз. Осиё кубоги-2011га нисбатан натижани яхшилашни истаймиз.
Агар ғалаба қозонсак, жамоадаги барча инсон бундан қувонади. Мен мусобақада қандайдир индивидуал совринни қўлга киритиш ҳақида ўйламаяпман, мен учун энг муҳими жамоавий натижа. Бизда ҳали имконият бор. Таркибимизда тажрибали ва ўйинни ўзгартира оладиган футболчилар етарли", - дейди Жепаров.
