Ўзбекистон миллий терма жамоаси бир ярим соатлардан сўнг Осиё Кубоги-2015 гуруҳ босқичи доирасидаги сўнгги ўйинда Саудия Арабистонига қарши майдонга чиқади. Бугун фақат ғалаба қозонган тақдиримиздагина чорак финалга чиқамиз. Қолган барча натижа араблар фойдасига хизмат қилади.
Бугун Миржалол Қосимов томонидан захирада қолдирилган терма жамоа сардори Сервер Жепаров ўтган учрашувдаги мағлубиятни шундай изоҳлади.
“Мағлубият биз учун кутилмаганда бўлди. Очиғи буни кутмаган эдик. Омад дейсизми? Йўқ, омад ҳамиша кучлиларга кулиб боққан. Ўша куни Хитой биздан кучли ўйин кўрсатди. Буни тан оламан. Иккинчи бўлимда чарчаб қолдик. Менимча, мағлубиятнинг асосий омили айнан шу ҳолат бўлди. Лекин ҳали имкониятимиз бор ва бундан максимал даражада фойдаланиб, мухлислар ишончини қайтаришга ҳаракат қиламиз”, — деди С.Жепаров.
