“Арройо Вэлли” талаба аёллар баскетбол жамоаси бош мураббийи Майкл Андерсон “Блумингтон” жамоасига қарши кечган учрашувда унинг жамоаси жуда йирик ҳисобда ғалаба қозонгани учун дисквалификация қилинди. Мутахассислар уни ўз рақибларига ҳурматсизлик қилишда айблашди.

Жамоалар “Арройо Вэлли” ҳисобига 104:1 натижа билан катта танаффусга чиқишган. Натижавий ҳисоб эса 161:2 кўриниш олди.

“Ўйин менинг назоратим остидан чиқиб кетди. Мен ўйин бундай тугайди деб кутмагандим. Мен ҳаттоки иккинчи таймда таркибнинг асосий ўйинчиларидан бирортасини ҳам ўйинга туширмадим”, – деб мураббийнинг сўзларидан иқтибос келтирди “Би-би-си” канали.

Андерсон мавсум бошида унинг жамоаси бир ўйинда 70 очко устунлик билан ғалаба қозонгани учун аввалроқ бир ўйинга четлаштирилган эди.

Ўшанда жамоа ўз мураббийисиз ўзи учун камтарин 80:19 ҳисобида рақиблари устидан ғалаба қозонган эди.