Нестеров дарвозада
Ишончли тура олди.
Кучли зарбаларни ҳам
Бурчакка бура олди.

Ҳимояни ҳам қаттиқ
Ушлаб турса бўларкан.
Мухлисларнинг кўнглини
Ҳушлаб турса буларкан.

Марказдаги ўйинлар
Курашлар билан ўтди.
Тўп гоҳида ўнг томон,
Гоҳида чапга кетди.

Ижрочи акамиздан
Кўнгил бироз тўлмади.
Жамшид Искандеровдан,
Супер паслар бўлмади.

Насимов ҳар тамонга
Терлаб-пишиб югурди.
Гол уришлик шарафи
Рашидовга буюрди.

Рашидов деган бола
Европача ўйнаркан.
Ўзини ҳар ён олиб,
Рақибларни қийнаркан.

Шодиевни вақтида
Қосимов туширибди.
Қулоғига гол уриш
Режасин пиширибди.

Бенжамин акамиз сал
Асабни бузиб қўйди.
Озгина умидни ҳам
Бирпасга узиб қўйди.

Ҳаммамизга ғалаба
Муборак бўлсин, дўстлар!
Термамизга ҳамиша
Омадлар кулсин, дўстлар!

Мирзааҳмад Мубораков