Бугун Австралиянинг Мельбурн шаҳрида теннис бўйича “Катта дубулға” туркумига кирувчи йилнинг дастлабки турнири асосий тўр баҳслари старт олди. Эркаклар ўртасидаги баҳсларда иштирок этаётган ягона ҳамюртимиз Денис Истомин бугун яккаликнинг илк босқичида италиялик Андреас Сеппига 7:5, 3:6, 6:2, 1:6, 4:6 ҳисобида имкониятни бой берди.
Энди Денис Истомин асосий эътиборини жуфтликлар мусобақасидаги иштирокига қаратади. Денис қозоғистонлик Андрей Голубев билан бирга илк даврада австралиялик теннисчилар тандеми – Танаси Коккинакис ва Ник Киргиосга қарши кортга чиқади. Бу баҳс 21 январь куни Тошкент вақти билан 06:00га белгиланган.
