Каталониянинг "Барселона" клуби президенти Хосеп Бартомеу жамоа ҳужумчиси Лионель Мессини "Олтин Тўп" совринини юта олмаган бўлса ҳам, дунёнинг энг кучли футболчиси дея таъкидлади.
"Месси барчасидан мамнун ва анча яхши руҳий ҳолатда. У бу йил барча совринларни қўлга киритишни жуда истамоқда. Агар совринларни бошқалар ютаверса ҳам, Месси дунёнинг энг яхши футболчиси бўлиб қолаверади. Месси ажойиб мавсумни ўтказмоқда ва ҳали етакчи сифатида барчасини тўғри бажармоқда. У "Барселона"да ҳали кўп ўйнайди ва уни трансферга қўйиш режамизда йўқ", - дейди Бартомеу.