Чорак финалда Ўзбекистон-Жанубий Корея тўқнашуви юз бериши аниқ бўлиб улгургач, корейс ОАВлари Ўзбекистон терма жамоаси ҳақида маълумотлар йиғишда давом этишмоқда. Бугун бир қатор корейс журналистлари Ўзбекистон терма жамоасининг машғулотларини кузатишга келди. «Daily Sports» нашри ёзишича, Ўзбекистон терма жамоаси бош мураббийи Миржалол Қосимов терма жамоа аъзоларидан интервью олишга рухсат бермаган ва бор-йўғи бир мартагина суратга олишга изн берган, холос. Корейс нашри шундай ёзмоқда:
«Ўзбекистонлик футболчилар журналистлар қаршисида машғулотларни ҳеч бир тортиниш ва ҳаяжонсиз ўтказишди. 12 футболчидан иборат мини-ўйин ҳам ўтказишди. Бош мураббийнинг қиёфасидан унинг чорак финалга жиддий бош қотираётганлигини англаш қийин эмасди».
Шунингдек, «Daily Sports» Ўзбекистон терма жамоасининг машғулотларидан бир нечта суратлар эълон қилди.
Отабек Йўлдошев
Жанубий Корея, Сеул
