Ўзбекистон терма жамоаси ярим ҳимоячиси Жашид Искандаров Саудия Арабистонига қарши ўйиндан кейин "Интерфутбол" газетасига умумий тассуротлари билан ўртоқлашди:
— Ҳаммамиз ушбу ғалабадан жуда хурсандмиз. Албатта, бошланғич таркибда илк марта ўйнаганим учун бироз ўз ўйинимни кўрсата олмадим. Бир қатор ҳолларда хатоларга йўл қўйдим. Ўйлайманки, келгуси ўйинларда мазкур хатоларга йўл қўймасликка ҳаракат қиламиз. Мураббийларимиз танлаган тактика ўзини оқлади ва бу қизиқарли ўйинда ғалаба қозондик. Шунингдек, тезкор урилган гол ютуғимиз сабабларидан бири бўлди.
— Танаффусда мураббий футболчиларга, хусусан сизга қандай кўрсатма берган эди?
— Тўпни ўртада бой бермасдан, тезкор қарши ҳужумларда асосий иштирокчилардан бири бўлишимни ҳамда орқага ҳам қайтиш, яъни ҳимояга ёҳам ёрдам беришимни кўрсатма бердилар.
— Келгуси ўйин ҳақида...
— Шубҳасиз, гуруҳда барча ўйинларни ғалаба билан якунлаган жамоа кучли футболчилардан иборатдир. Аммо улар билан ҳам ўйнаса бўлади. Ҳозирда савия борасида терма жамоалар бир-биридан катта фарқ қилишмайди. Шунинг учун мураббийимиз бу ўйинга ҳам тўғри тактика танлаб, жон-жаҳдимиз билан ўйнай олсак, албатта ғалаба қозонамиз.
Суҳбатнинг давоми бор. Мазкур мақолани давомини "ИнтерФУТБОЛ" газетасининг 20 январь кунги сешанба сонида ўқийсиз.
А.Абдуҳамитов, М.Ризаевлар суҳбатлашишди, Мельбурн шаҳридан
