Ўйиндан кейинги матбуот анжуманининг дастлабки қисмида бугун терма жамоамиз бош мураббийи Миржалол Қосимов иштирок этди. Дастлаб у ўйин хусусида тасассуротлар билан ўртоқлашди.
"Финалга хос ўйин бўлди. Мана гувоҳи бўлганингиздек, бугун ҳар икки жамоа қизиқарли мухлисларбоп ўйин кўрсатди. Афсуски, натижа биз учун яхши бўлмади, аммо мағлубиятга лойиқ эмасдик. Очиқчасига бугун омад юз ўгирди. Шундан бўлсада, футболчиларимиз учун бугунги ўйин катта маҳорат мактаби бўлди. Мухлисларимизга, журналистлар ва ташкилотчиларига катта раҳмат. Ж.Корея термасига эса омад тилайман.
Ҳакамлар бугун ҳам бизга қарши ишлашгандек кўринишди. Ўтган ўйиндаги каби бугун уларнинг баъзи қарорлари нохолис бўлди. Жумаладан, эсимда қолган биргина вазиятни айтсам, рақиблар жарима майдонида Темур Кападзени йиқитишди. Шундай бўлсада, айтишим керакки, агар биз қулай имкониятлардан фойдалан олганимизда ҳакамлар ҳам ҳеч нарса қилиша олишмасди.
Менимча, ҳозирги жамоамиз ЖЧ саралаш баҳсларига бемалол киришса бўлади. Албатта таркибдаги ўзгаришлар бўлади, бу энди кейинги масала", - дейди Миржалол Қосимов.
"Интерфутбол" газетаси
