Япония терма жамоасининг бош мураббийи Хавьер Агирре Осиё кубоги чорак финалида БАА терма жамоасига қарши учрашувдаги мағлубиятдан сўнг (1:1, пен - 4:5) фикрларини билдирди.
"Футбол - гол уриладиган ўйин, биз эса фақат биттагина гол урдик ва айнан шунинг учун 1:1 ҳисоби қайд этилди. Бизда кўпроқ вазиятлар бўлди ва ўйлашимча, биз рақибдан кўра яхшироқ ўйнадик.
Аммо улар ҳаёт-мамот ўйинидек курашдилар, уларни табриклайман. Улар ҳисобни ушлаб қолиш учун ўзгартиришлар қилдилар ва бунга эришдилар.
Бу жамоа билан фахрланаман, чунки улар 120 дақиқа бор кучи билан ўйнадилар. Биз ҳар жабҳада рақибдан устун бўлдик.
Оқибатда пенальтилар сериясигача етиб келдик, бу 50 га 50 имконият дегани. Ўйини бошида бўш ўйин кўрсатдик ва айнан шунинг учун гол ўтказиб юбордик. Ҳисобни тенглаштириш учун бутун ўйин давомида курашдик.
Улар ғолиб бўлдилар, аммо биз кучли футбол кўрсатдик ва улардан кўпроқ гол киритишга уриндик. Аммо бир тўп фарқини йўқ қилиш учун курашни давом эттирдик.
Ўзимни оқламайман, биз яхши тайёрланган эдик. Омад ҳақида ҳам гапирмайман. Бу ўйинда ғалабага лойиқ эдик. Ўйинчилар бошларини тутиб, олдинга интилишларини истайман", - дейди Агирре.
