БАА терма жамоасининг бош мураббийи Маҳди Али Осиё кубоги чорак финалида Япония устидан қозонилган ғалабадан сўнг (1:1, пен- 5:4) фикрларини билдирди.

"Ўйин қийин бўлишини кеча айтган эдим. Биз Эронга қарши ҳам фантастик ўйин кўрсатган эдик, аммо омадимиз чопмаган эди.

Бугун йигитларга ҳар доим чиройли футбол кўрсатиш шарт эмаслигини, баъзан чин юракдан, баланд руҳ билан ўйнаш лозимлигини айтдим. Биз бу ғалабага эришиш учун яхши ишладик.

Ўйинчилар чарчагандек кўриндилар, ҳисобда олдинда эдик, шунинг учун баъзи ўзгаришлар қилдик. Чунки Япония қанотларда ҳужум қилиб, майдон марказини ҳам назорат қилаётган эди.

Сўнгги чемпионлари - Японияни мағлуб этиш, катта иш. Бу келгуси ўйинларда футболчиларга ишонч ва мотивация беради.

Вақт кам қолмоқда, шунинг учун навбатдаги ўйинга тайёргарликни бошлаймиз", - дейди Маҳди Али.