"Реал" бош мураббийи Карло Анчелотти жамоа ҳимоячиси Серхио Рамоснинг шартномаси узайтирилиши жараёни ҳақида фикр билдирди.

"Эдегеор айни дамда асосий жамоа ўйинчилари билан рақобат қила олмайди, аммо келажакда бунинг учун унда барча имконият мавжуд. У жуда ёш ва умид қиламанки, у "Реал"нинг муҳим ўйинчисига айланади. Аммо 16 ёшда буни уддалаш қийин.

Рамоснинг шартномаси? Унинг узайтирилиши Рамоснинг ўйинига таъсир қилади деб ўйламайман. У ҳар доим мотивацияга эга, кундан кунга жамоанинг муҳим ўйинчиси бўлиб бормоқда. Шунинг учун Серхио бу ҳақда ташвишда деб ўйламайман.

Серхио Рамос алиштириб бўлмас ўйинчи эканини ҳамма билади, аммо унинг шартномаси - менинг муаммом эмас. Бу ҳақда гапиришни истамайман, аммо у бу ерда қолади, бу масалада ҳаммаси аён.

Бутун фаолияти давомида клуб формасини киядиган футболчилар бор. Мен буни Икер, Криштиану ва Рамосга нисбатан ҳам айтишим мумкин", - дейди Анчелотти.