Осиё кубоги-2015 мусобақасининг биринчи яримфинали якунига етди. Учрашувда жанубй кореяликлар ироқликларни 2:0 ҳисобида мағлуб этиб, финалга йўл олдилар.

Майдонда ким устунлигини аниқлаганимизга қадар, 20-дақиқада Ли Жеонг Хйеоп ҳисобни очди. Голдан сўнг ироқликлар ҳисобни тенглаштиришга уринган бўлсаларда, танаффусгача бунинг уддасидан чиқа олмадилар.

Танафусдан сўнг ҳам ироқликлар ҳисобни тенглаштира олмадилар, аксинча, иккинчи бўлим бошланганидан сўнг 10 дақиқа ўтиб, яна бир тўп ўтказиб юбордилар. Ким Йонг Гвон ҳисобдаги фарқни иккитага оширди.

Айтиш мумкинки, корейслар ўйин борасида ҳам, тўп билан муомалада ҳам ироқликлардан устун келдилар ва ҳақли равишда финалга йўл олдилар.

Корейслар посбони Ким Чжен Хен финалгача гол ўтказиб юбормаган даврозабон сифатида тарихга кирадиган бўлди.

Осиё кубоги

1/2 финал

Жанубий Корея – Ироқ 2:0 (1:0)
Голлар: 1:0 – 20 Ли Чжон Хёп, 2:0 – 50 Ким Йонг Гвон.

Жанубий Корея – Ким Чжин Хен, Ким Ен Гвон, Пак Чжу Хо, Квак Тхэ Хви, Ча Ду Ри, Ки Сон Ен, Нам Тхэ Хи (Чжан Хен Су, 81), Сон Хин Мин, Ким Чжин Су, Ли Чжон Хеп, Ан Ге Вон (Ли Гин Хо, 46).

Ироқ – Ҳассан, Исмоил, Шакир, Ҳалаф, Салим, Рашид (Комил, 64), Калаф, Абдул Амир, Ғани (Аднан, 63), Абдул Заҳра (Ҳуссейн, 77), Маҳмуд.

Огоҳлантиришлар: Ки Сон Ен (7), Пак Чжу Хо (40), Ким Чжин Су (56).