"Ливерпуль" бош мураббийи Брендан Роджерс жамоа ҳужумчиси Марио Балотеллининг асосий таркибга кириши учун нималар қилиши лозим эканлигини билдирди.
"Мариога имконият берамиз. Мен ҳар доим, агар ўйинчи машғулотларда тер тўкиб ишласа асосоий таркибга қайтиши ва муқим жой олишини кўрсатиб келганман. Бу Мариога ҳам тегишли. Биз Мариони бу мавсум сотиб олдик ва ўзини кўрсатиши учун шароит яратиб бердик. У қанча яхши ишласа, шунчалик тезроқ асосий таркибга қўшилади", - дейди Роджерс.
Эслатиб ўтамиз, "Ливерпуль" Балотеллини 16 миллион евро эвазига "Милан"дан сотиб олган эди. Футболчи бу мавсум АПЛнинг 12 учрашувида иштирок этган ва голлар исобини очмаган.
